URURKA QORAAGA SOMALILAND

Maalintii Axadda oo ku beegnayd 29/01/2012 waxa ka dhacay guriga dadweynaha ee xaafadda Rinkeby, munaasibad weyn oo lagu xusayay sannad-guuradii koowaad ee Naadiga Akhriska Stockholm. Munaasibadan oo ahayd mid si weyn loo soo agaasimay ayaa waxa ka soo qayb galay dad weyne aad u tiro badan, oo isugu jiray bulshada qaybaheeda kala duwan. Iyadoo ahayd mid ka mid ah munaasibadihii ugu balaadhnaa ee Naadigu qabto. Kulankan oo ahaa mid ka duwan kuwii hore ee uu Naadigu qaban jiray, ayaa doorkan waxa ku lammaanaa barnaamij carruureed aad u weyn oo isugu jiray maaweelo iyo tartan aqooneed. Continue Reading »

Maalintii sabtida ahayd oo ku beegnayd 19 November 2011, waxa uu Naadiga Akhristayaasha Stockholm ku qabtay magaalada Stockholm ee waddanka Sweden munaasibad aad u balaadhan oo loogu magac daray “maalinta suugaanta soomaalida ee Stockholm. Munaasibaddan oo ahayd tii ugu weynayd ee nooceeda ah ee lagu qabto magaalada Stockholm, ayaa waxa ka soo qayb galay dadweyne aad u tiro badan oo isugu jiray qaybaha kala duwan ee bulshadda. Ha noqdeen soomaali iyo waliba dadyawga kale ee waddankan ku nool. Wakhtiga ay munaasibadu bilaabmaysay oo ku beegnayd labadii duhurnimo ee saacada magaalada Stockholm, ayaa waxaa xusid mudan in iyadoon laba furin hoolkii hawshu ka qabsoomaysay ay dad weyne tiro badani soo buuxiyeen barxadii weynayd ee dhismaha ay hawshu ka dhacaysay. Continue Reading »

Shalay oo taariikhdu ahayd 19/11/2011 maalin sabti ah, waxa magaalada Stockholm xaafadda Rinkeby ka dhacay bandhig aad u ballaadan oo uu soo qabanqaabiyey Naadiga Akhriska Stockolm. Bandhigga oo isugu jiray warbixin, carwo buugaagta ah, rawaayad iyo Abwaanka caanka ah ee Mustafe Sh Cilmi oo halkaa ku soo gunaanaday gabayo iyo majaajillo xanbaarsanayd xikmad aad u qiimo badan. Waxa aan qoraalka horraantiisaba jecelahay in aan tilmaamo, sidii loo soo cammiray madashii bandhiggu ka dhacayey. Waxa taas ka sii mudan in aan sheego sidii loo yimi wakhtigii loogu talo galay in la furo bandhigga. Markay goorhsheegtu cagacagaynaysey labadii duhurnimo, ayaa la furay goobtii loogu talo galay in bandhiggu ka dhaco. Markii la furayba dadku waa ay hortaagnaayeen oo kadinka ayaa la boobay sidii loo fadhiisan lahaa. Waxa ay taasi muujinaysay xiisihii gaarka ahaa ee maalintaa loo qabay. Looma baran in wakhtiga lagu yimaaddo, oo inta badan waxa laga cawdaa in dib looga dhaco xilliga, gaar ahaan dadka soomaalidu meelkastaba ha joogeene, waa dhibaato jirta. Laakiin shalay oo taariikhdu ahayd 19/11/2011 waa ay ka duwanayd oo waxa lagu yimi saacaddii dadka loo sheegay. Continue Reading »

Ma tahay qof xiiseeya suugaanta soomaalida? Ma tahay qof jecel akhriska, dhagaysiga iyo korodhsiga aqoonta dhaqan dhaqaale ee bulshada afka soomaaliga ku hadasha? Ma jeceshahay inaad la kulanto oo aad wax ka barato abwaaniin caana iyo  aqoonyahanno ku xeeldheer suugaanta, afka iyo taariikhda soomaalida? Ma danaynaysaa inaad hesho buugaagtii ugu danbeeyay ee ay qoraan qorayaal soomaaliyeed, oo kuugu qoron afkaaga hooyo? Ma tahay mid ku nool magaalada Stockholm iyo nawaaxigeeda?  Haddii ay jawaabtu tahay HAA, waxa uu Naadiga Akhriska Stockholm kuugu bushaaraynaa inuu kuu qaban qoodo munaasibad weyn oo ku suntan magaca, MAALINTA SUUGAANTA SOOMAALIDA IYO STOCKHOLM.  Waa munaasibad aad u xiiso badan oo lagu soo bandhigi doono suugaan qiimo badan, ha noqoto mid dhigan  oo qoraal lagu weeleeyay  iyo mid abwaaniin badani maalintaa si  fool ka fool ah  kaaga xaqabtiri doonaan. Continue Reading »

“Waxa uu si caajis ka muuqato u soo qaatey joornaal agtiisa yaal. Indhaha  waxa uu ku dhuftey judhiiba cinwaan far waaweyn ku qoran oo ay ku qoran tahay caddaalad darro iyo musuq baahsan oo uu soo gudbinaayo wargeyskaasi “ Continue Reading »

Waxa aan meelo badan kaga hadlay waxa uu yahay hadalku iyo in uu ka duwanyahay suugaanta qaybta tixda oo ah wax la tiriyo. Waxa kale
oo aan markaa sheegay in uu Afku u kala baxa suugaan iyo hadal. Isla markaas, waxa aan sheegay in ay suugaantu ka koobantahay tix iyo tiraab oo ah wax laga sheekeeyo. Tixdu waxa ay u kala baxdaa gabayga, geeraarka, guurowga, buraanburka, heesoha iwm. Tiraabtu waxa ay u kala baxdaa maahmaahoha, Continue Reading »

 Waa maalqabeen mood iyo noolba xeryahiisu aanay istabin. Cuud yaraan iyo carruur la’aan marnna kaba caban noloshiisa. Hadday magac iyo sharaf bulshada dhexdeeda noqotana magaca waa ka XAAJI, oo maamuuska iyo milgaha lagu teenbiyey lama koobi karo. Beerahiisii, baloodhadiisii, baabuurtiisii, guryahiisii iyo hantidiisii kale ayaa afarta jiho ee dhulka sida ciida iyo camaarka u quban. Continue Reading »

Maalinta Suugaanta Soomaalida iyo Stockholm

Maalinta sabtida ee taariikhdu tahay 19-11-2011 waxa ka dhici doona aqalka dadweynaha ee xaafadda Rinkeby, Caasimadda Sweden ee Stockholm, bandhig-suugaaneed aad u ballaadhan. Waxa la is dultaagi doonaa erayga suugaan iyo erayga u dhigma afka Swidhishka oo ah Litteratur. Continue Reading »

Waxaan leenahay dhamaan dadka muslimka Ciid Mubaarak.